चिल्होर
देखावतिया जबरी चिल्होर
उरि-उरि सगरी अकसवा
उपर कपरा के घोरियावे
भुयिया कबो सुरुज देखावे
बोलावातबिया सरगे की ओ़र
उरि-उरि सगरी अकसवा
जबरा जियी अबरा मुई
केथरी जेकर तागा-सुई
सिखावात्तिया जिनगी कि कोर
उरि-उरि सगरी अकसवा
उठ जाग थूक पोंछ
नोच-चोथ कोर-बो
जगावातिया देहिया हिलोर
उरि-उरि सगरी अकसवा
मछरी हथवा से ले ले
देहिया सनसनाहट भरी देले
चिउह्कावातिया कन्हवा बिखोर
उरि-उरि सगरी अकसवा
बैइठ मुंडेरा डेरवावेले
चिचिया-चिचिया अद्कावेले
मनावातिया इतना धिन्धोर
उरि-उरि सगरी अकसवा
- डॉ. ऍम.डी. सिंह
No comments:
Post a Comment